ഡീൻ കുര്യാക്കോസ് എം.പിയുടെ നേതൃത്വത്തിൽ നടൻ മമ്മൂട്ടിയുടെ കെയർ & ഷെയർ ഇന്റർനാഷണൽ ഫൗണ്ടേഷന്റെയും അങ്കമാലി ലിറ്റിൽ ഫ്ലവർ ആശുപത്രിയും സംയുക്തമായി കോഴിമലയിൽ സൗജന്യ നേത്ര ചികിത്സാ ക്യാമ്പ് നടത്തി. മുരിക്കാട്ടുകുടി വികാസ് കമ്മ്യൂണിറ്റി ഹാളിലാണ് ക്യാമ്പ് സംഘടിപ്പിച്ചത്. നൂറുകണക്കിന് ആളുകൾ ക്യാമ്പിൽ പങ്കെടുത്തു.
അഡ്വ:ഡീൻ കുര്യാക്കോസ് എംപിയാണ് ക്യാമ്പ് ഉദ്ഘാടനം ചെയ്തത്.
കോഴിമല പോലെ സാമ്പത്തികമായി പിന്നോക്കം നിൽക്കുന്ന പ്രദേശത്ത് സൗജന്യമായി ക്യാമ്പ് നടത്തുവാൻ സന്നദ്ധമായി മുന്നോട്ടുവന്ന ലിറ്റിൽ ഫ്ലവർ ആശുപത്രിക്കും, കെയർ &ഷെയർ ഫൗണ്ടേഷനും എംപി നന്ദി അറിയിച്ചു.
വാർഡ് മെമ്പർ ലിനു ജോസ് ചടങ്ങിന് അധ്യക്ഷത വഹിച്ചു. മമ്മൂട്ടി കെയർ &ഷെയർ ഇന്റർനാഷണൽ ഫൌണ്ടേഷൻ എംഡി ഫാ :തോമസ് കുര്യൻ മുഖ്യ പ്രഭാഷണം നടത്തി. കോഴിമല രാജാവ് – രാമൻ രാജ മന്നാൻ ചടങ്ങിൽ മുഖാഥിതി ആയിരുന്നു. ശ്രീ. സാബു കോട്ടപ്പുറം, യൂത്ത് കോൺഗ്രസ് മണ്ഡലം പ്രസിഡന്റ് ആൽബിൻ മണ്ണഞ്ചേരി, ലിറ്റിൽ ഫ്ലവർ ഹോസ്പിറ്റൽ പ്രതിനിധികൾ, &ഷെയർ ഫൗണ്ടേഷൻ, ഇടുക്കി കെയർ ഫൗണ്ടേഷൻ ഭാരവാഹികൾ എന്നിവരും ചടങ്ങിൽ പങ്കെടുത്തു.
