ആസ്ട്രേലിയ്ക്കെതിരായ ബോക്സിംഗ് ഡേ ടെസ്റ്റിൽ ഇന്ത്യക്ക് മികച്ച തുടക്കം. ടോസ് നേടി ബാറ്റിംഗ് തെരഞ്ഞെടുത്ത ആസ്ട്രേലിയക്ക് 65 റൺസ് എടുക്കുന്നതിനിടെ മൂന്ന് വിക്കറ്റുകൾ നഷ്ടമായി.
ഓപ്പണർ ജോ ബേൺസിനെ പൂജ്യത്തിന് മടക്കി ബുംമ്രയാണ് തുടക്കമിട്ടത്. മാത്യു വേഡിനെയും (30) സ്റ്റീവൻ സ്മിത്തിനെയും (0) പുറത്താക്കി അശ്വിൻ ഇന്ത്യയുടെ തുടക്കം ഗംഭീരമാക്കി. മർനസ് ലബുഷെയ്നും (26) ട്രാവിസ് ഹെഡുമാണ് (30) ക്രീസിൽ.
നായകന്‍ വിരാട് കോഹ്‌ലി നാട്ടിലേക്ക് മടങ്ങിയതിനെ തുടര്‍ന്ന് അജിങ്ക്യ രാഹനെയാണ് ടീമിനെ നയിക്കുന്നത്. അഡ്‌ലെയ്ഡ് ഡേ-നൈറ്റ് ടെസ്റ്റില്‍ നിന്ന് ഇന്ത്യ വലിയ മാറ്റങ്ങളുമായിട്ടാണ് ഇറങ്ങിയത്. ഓപ്പണര്‍ പൃഥ്വി ഷാ, വിക്കറ്റ്കീപ്പര്‍ വൃദ്ധിമാന്‍ സാഹ, മുഹമ്മദ് ഷാമി എന്നിവരെ ഒഴിവാക്കി. പകരം ശുഭ്മാന്‍ ഗില്‍, ഋഷഭ് പന്ത്, രവീന്ദ്ര ജഡേജ, മുഹമ്മദ് സിറാജ് എന്നിവർ ആദ്യ പതിനൊന്നിൽ ഇടംനേടി.
